دردشه ولا برطمه دماغيه 

فكرت ان في كلام كتير الواحده بتبقي عاوزه تكتبيه ومش لازم دايما كل حاجه تبقي عن السياسه.   ممكن اتكلم  عن الشغل او عن الزملاء او عن كتاب قريته. بس كل مره ابدأ اكتب في موضوع فجأه يتقلب الي قضيه سياسيه. 

وبعدين قررت اني هاستغل هذا المكان علشان ابرطم.  علشان اكتب الي يجي علي دماغي. 

هافضل اكتب مقالات لقضايا تهمني بس كمان هابرطم.  افكار متناثره بتسبح في مخيلتي ووجداني. 

هابرطم بيها يمكن ارتاح  

من اهم المواضيع او القضايا الي شاغلاني هي فكرة ان مابقاش الجنوب ينتج اي فكر او ابتكار او نظريات علميه وانما دائما منقادين لتقليد الغرب.  

حتي عندما شعر  الشباب او بعضهم بطاقه وانه عنده مساحه للابداع كان اول مبادرات خاصة في مجال ريادة الاعمال تقليد ونقل من الشمال(بفتحه علي الشين) من دول تختلف عننا.  

مفاهيم قديمه بدات تغزو تفكيري مثل الاستعمار الثقافي. لما فجأه بقي عندنا الفلانتين واحنا حتي مش عارفين ننطقها صح والبروم او حفل التخرج وبنتقله حرفيا من الافلام الاجنبيه.  وحتي طريقة طلب الزواج سواء في افلامنا  الجديده او القصص الي بنسمع عنها ونشوفها علي الفايس بوك من الشاب الي كتب لحبيبته علي يافطه كبيره او الي فاجائها  في الجامعه ومعه خاتم وبوكيه ورد. كلها منقوله من الافلام  الغربيه.  

بصراحه هذا النقل السطحي بيقلقني جدا.  مش غلط اننا نتعلم من الاخر. ولا اننا لو لقينا سلوك لطيف اننا نقلده. بس كمان لازم يكون اي حاجه نعملها تكون بناء علي تفكير وفهم لواقعهم وواقعنا.  

اهي برطمه دماغيه واقكار متنتوره في كل مكان.   

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s