دردشه ولا برطمه دماغيه 

انتخابات مصر   البرلمان. 2015

بوست قديم. افكار قديمه 

،قلت اشارككم

بوست للمصريين وبس  

صباح الخير 

عاملين ايه 

هل استعديتم للنزول للاعاده

هل استعديتم للمرحله التانيه 

انا عملت جوله تنمويه بحثيه انسانيه وقعدت وسمعت لمجموعات مختلفه للناس 

قعدت مع موظفات في وظايف صغيره. ستات كادحه متعلمه ومتجوزه وعندها عيال

مع جمعيات تنمية مجتمع مش بس في القاهره في كام مكان بالصعيد

استمعت لمجموعة شباب وشابات في اواخر العشرينات والتلاتينات وبيشتغلو ويكسبو مش وحش 

وقعدت مع ستات من حزب الكتبه 

وكمان مع مجموعه من السيدات والرجال المسيسين او يعني تبع تيارات سياسيه او احزاب 

وقعدت كمان مع شباب وشابات متخرجين بس بدون عمل 

وقعدت مع عدد من الشباب المبدع الي عنده افكار ومبادرات مبدعه او هادفه للتغير 

 وقعدت مع تلات مجموعات من ستات غير متعلمات من مناطق يطلق عليها عشوائيه بس كلهن بيشتغلوا في البيع والشراء. ستات يعني بتجري علي عيالها 

علشان بس ما افورش. كل مجموعه من الناس دي لم تزيد عن ٢٠ ولم تقل عن ٩ 

في مجموعات كنت معهم لاسباب زي مثلا عزومه او اجتماع تدريبي او اجتماع لمناقشة مشاكل الجمعيات  

وفي مجموعات رحت قابلتها مخصوص. يعني نظمتها عن قصد علشان اعرف رايهم 

والاسئله عموما كانت تدور حوالين

١- هل رحتم تنتخبوا او هاتروحهم؟ 

٢- هل الاقبال في رايك ضعيف متوسط او معقول 

٣- في رايك ليه شايف ان مافيش اقبال 

٤- هل حاسين ان في تغيير او ليه متضايقين او ليه متشائمين او ليه متفائلين 

٥- طبعا ايه رايكم في البلد بشكل عام او النظام الحالي الخ 

طبعا ماكنتش باكتب في كل مره وانا هنا هاقول انطباعتي 

ودي مش دراسه ميدانيه ولا اكاديميه ولا حتي تعتبر انطباعات تمثل اي فئه 

دي انطباعات عامه علشان بس الردود العميقه المافوره هههههه 

الانطباعات شخصيه تمثلني انا.   يعني انا فهمت ايه علي قد علامي 

مع العلم ولا مجموعه منهم ظاهريا او عن معرفه لهم اي علاقه بالاخوان والمجموعه الوحيده الي لها توجهات سياسيه او احزاب بشكل ظاهر هي مجموعة المسيسين او هكذا اطلقت عليهم 

انطباعتي عن المجموعات بشكل عام 

١- بصراحه اكتر ناس فتحوا نفسي وخلوني احس بالامل هما شباب المبدعين والستات من المناطق الفقيره 

٢- في مجموعات زي جمعيات تنمية المجتمع في مناطق القاهره والصعيد عبروا عن مشاكل تواجه القطاع نفسه ومن منطلق توقعاتهم للقطاع الاهلي 

٣- سيدات ورجال ما يسمي بحزب الكنبه كانوا تاني نوع من الفئات الي حتي لو مش متفائلين قوي او بيدوا امل للي بيكلمهم و كانوا مش محبطين ولا محبطين. بالكسره والفاتحه علي الباء 

٤- من مثل احزاب او تيارت سياسيه. كانوا الاكثر عنفا واتهام للاخر حتي مع بعض

٥- الشباب الي بيشتغل وببكسب كان ايضا اكثر عنفا في تعبيرهم عن للذي لا يعمل بس الاتنين اي الفئتين كانوا زهقانين وكارهين عيشتهم 

اولا الموظفات 

دبلوم او معهد

١٢ واحده

كلهم متجوزات. ومتوسط الاطفال ٣ 

رايهم انهم مش متابعين الانتخابات لان ماعندهمش وقت   و مانزلوش ولا مره التحرير ولا في اي مظاهره في حياتهم   و بيصحوا بدري وبيشتغلوا وبياخدوا بالهم من الاطفال ومذاكرتهم و اجوازهم لا تساعدهم  و المرتب مش مكفي 

والمدرسين مطلعين عنهم والمدارس لا تهتم باولادهم و الاكل في السوق بقي غالي.  بس كلهم فرحوا جدا بالتموين وازاي اتحسن  و لكن اللحمه لسه غاليه 

( ده كان قبل التغييرات وتدخل الدوله والمجمعات الاستهلاكيه والجيش في تخفيض الاسعار) 

رايهم ان كل الاحزاب والي نازلين الانتخابات غالبا بيعملوا كده علشان يكسبوا ويعملوا فلوس  و من ٢٠١١ نزلوا مرتين بس الانتخابات او للتصويت  و في مارس ٢٠١١ علشان اتقال انهم هايدفعوا غرامه 

وقالوا نعم علشان عاوزين استقرار وكفايه  خراب البيوت 

ونزلو تاني في انتخابات السيسي  وذلك لانه من الحيش وهايحمي مصر 

غير كده مش هاينزلو لانهم بيصحوا بدري ىيناموا متاخر وماعندهمش وقت يضيعوه ومش فاهمين ليه في اربع سنين انطلب الناس تنزل مليون مره  

اهم طلباتهم ان الدروس الخصوصيه تتلغي وان يعملوا الخضار واللحمه علي بطاقة التموين ويزودوا البطاقه شويه 

ثانيا حزب الكنبه 

عددعم ١٨ 

السن بين ٣٠-٥٥ 

وكلهم من طبقات فوق المتوسطه  و عمرهم ما كانوا لهم دور في السياسه او التنميه قبل يناير 

و كلهم متعلمات علي الاقل جامعه  واول مره ينزلو كان في تلاتين يونيه خوفا من الاخوان  و كلهم بيحبوا الجيش واصلا مش فاهمين مقولة حكم العسكر 

قالو انهم نزلوا وهاينزلو ينتخبوا وان اول اختبارتهم في المرشحين هاتبقي لو مخابرات او جيش لانهم واثقين انهم بيحبوا البلد ومخلصين و شايفين ان الاخلاق انحدرت جدا والالفاظ الخارجه بقت مقبوله بين الشباب 

علي الاقل ٦ منهم كانوا من المرحله الاولي وزعلو بعد ما انتخبوا سيف اليزل لما عرفوا ان بتوع ٦ ايريل ونوشطاء كانوا في القايمه  و كمان شايفين ان الاعلام ماجور وانه ازاي لا يوضح للناس ما يحدث في المنطقه 

شايفين ان الي مانزلش الانتخابات ده بيتبتر  علي النعمه  و وان الشعب دع بيدلع وعاوز حد ياكله بالمعلقه 

وان ماحدش عاوز يشتغل  و معظمهم عاوز يشوف حزم وحسم اكتر من الدوله 

وعاوزين احكام رادعه ضد الاخوان والخونه  و عاوزين الناس تهدا علشان مصر تعرف تطلع من مشاكلها 

ثالثا جمعيات تنمية المجتمع 

القاهره واحدي مدن لصعيد 

كلهم نزلوا او نازلين لان حسوا ان الاخوان ضربوهم علي قفاهم والسلفيين عاملين بتوع ربنا بس مش في الواقع وشايفين ان في هجوم شديد علي الجمعيات والعمل الاهلي من الاعلام وكمان الدوله 

حاسيين ان الدوله واقفه ضدهم وان مافيش حد بحقيقي فاهم ولا مقدر شغلهم 

حاسين ان مافيش حاجه اتغيرت في اجهزة الدوله المحليه  و طالبين ان الدوله ماتاخدهمش بذنب بعض الجمعيات القاهريه الي استغلت موقعها او اشتغلت ضد البلد 

شايفين ان السيسي بيشتغل بس لوحده وخايفين عليه من البطانه الفاسده  و نفسهم ان السيسي ينزل لهم وما يركزش علي كام جمعيه كبيره ويديرها رجال اعمال فقط وعاوزينه يسمع ليهم 

رابعا شباب متخرج ويعمل وراتبه كويس 

٩ افراد 

رايهم ان البلد رايحه في داهيه وان مافيش خقوق انسان ولا ديقراطيه  وان الشارع هايولع من غلاء الاسعار 

وان شعبية السيسي في تناقص وانهم مش هاينزلو ينتخبوا لان مافيش فايده

وان السيسي المفروض يعتمد علي الشباب وبعمل لهم مميزات خاصه علشان يبقي لهم دور ويفتح لهم الطريق وان الي نزلو ينتخبوا او اترشحوا دول اما لا يفهموا او فاسدين او عواجيز عاوزين الامن والامان 

وان في ثوره ثالثه جايه ومافيش كشكله حتي لو بقت حرب اهليه  وان السلفيين دي فزاعة النظام زي ما كان الاخوان فزاعة مبارك  وان الشباب ماخدش فرصته وانضحك عليه من النظام  ورايهم ان استخدام سوريا وليبيا بقي ايضا فزاعه 

خامسا شباب متعلم ولا يعمل

١٠  افراد. خمسه بنات وخمسه ولاد.  عندهم ٢١-٢٣ سنه  – ٤ دبلومات و٦ جامعه 

كلهم كانوا تعليم حكومي في كل المراحل 

كلهم كانوا غاضبين انهم ضحية تعليم لا يعطيهم اي مهارات  و كلهم شافوا ان اهلهم ودوهم الجامعه مش علشان يبقوا طياريين يوزعوا اكل او ادويه  و كلهم وبدون استثناءرقضوا فكرة يتدربوا ببلاش ( التطوع)

و٧ منهم عاوزين يشتغلو في الحكومه لضمان المستقبل ولان القطاع الخاص بيستغل الناس وعاوزهم يشتغلوا زياده 

الاربعه بتوع الدبلومات نزلو انتخبوا وقالو ان هما اتقرصوا من الاخوان ومش عاوزين حد تاني يجيب فقط عشيرته  و ال٦ بتوع الجامعه قالو مانزلوش ومش هايتزلو لانهم بصراحه مش هايصحوا بدري ويروحوا ينتخبوا واحد هايغتني ويعمل ملايين ويسيبهم زي ماهما لان المصريين كلهم زي بعضواديهم شافو بتوع ربنا خربوها في مناطقهم لما اخدوا الحكم 

عكس الشباب بتوع رابعا  الي فوق. كلهم بيحترموا الجيش جدا وماعندهمش مانع ان الريس خلفيته ايه. بس عاوزينه يفتح لهم شغل في الحكومه. و شايفين لبرلمان مالوش لازمه من يوم ما اتعمل غير علشان كل واحد يغتني وكرشه يكبر ومش مصدقين ولا عارفين عن اي حزب او قايمه

٧ منهم نزلو في دستور ٢٠١١ وبعدين في دستور ٢٠١٤ فقط و و٤ نزلو مرحله اولي كمان 

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s